Overview
- Lesson Title: Forum
- This report from Voice of America Radio addresses a forum of political leaders and past military heads of states on the next Nigerian President.
- Language: Hausa
- Topic: Economics/Politics
- ILR Level: 2+/3
- ACTFL Proficiency: Superior, Advanced-High
- This ACTFL rating is an approximation based on the ILR level
- Modality: Listening
- Learning Objective: Maintenance & Improvement
- Subject Area: Language
- Material Type: LO
- Publication Year: 2007
- ObjectID: HAUS_11908
Transcript
| Original | Translation |
|---|---|
|
Forum A: Anyi wani taro tsakanin mataimakin shugaban ƙasar Nijeriya Atiku Abubakar da tsofoffin shugabanin mulkin soja na Nijeriya, watau Janaral Muhammadu Buhari da Janaral Ibrahim Babangida ƙarƙashin jagorancin Janaral Yakubu Gowon, da sauran manya ko dattawa na arewacin Nijeriya. A yinƙurin da ake yi na cewa mulki ya dawo arewancen ƙasar. Wannan taro dai ana ganin cewa wani mataki ne.. wanda akai amfani da shi da zai fayyace Matakai ko irin huɗubar da dattawa za suyi wa waɗannan ƴan takara. Na cewar kada su ciwa junansu mutunci a kasuwa. Bayan da aka kamala wannan taron ne, na tuntuɓi Sanata Abba Aji, ɗan majalissar dattawa daga arewacen Nijeriya, domin in ji ko yana ganin cewa kwalliya za ta biya kuɗin sabulu akan wannan taron da aka yi na wa’annan shugabannin, sai ya ce: B: A zo a taru, in an taru ... a saurare su dukka … duk mai san ya ya tsaya din … ya ba da jawabun dalilanshi da mene ne. A duba kuma … ah … wasu da suke da … wasu … matsololi. Ko kuma wasu wanda … ake ganin … yanda suke fuskantan abun da za su yi wa arewa ko kuma za su yi wa Nijeriya ko biyu duka … ah ... na wani zai fi na wani. Saboda haka, sai a ce … ah … shi sha’anin siyasa … ah … tun da an san mutum ɗaya ne kaɗai zai zama, sauran ma ba asara za su yi ba. Wani zai kawo ministoci, wannan zai kawo ambasada, wannan zai kawo.. Sai a tafi a hakan. Amma wajibi ne mu tafi da mutun ɗaya. Lokacin da muke zaɓen mutum ɗayan nan ya kamata kuwa mu zaɓi na gari a kudu, wanda zai zama mataimakin shugaban ƙasa, mutum wanda su kuma ƴan kudun ah... zai kasance yana da goyon baya sosai a can. A: Ya za a yi da matsalar cin hanci da karɓa rashawa mutane suna ta cewa kamata yayi wanda za a zaɓa ya kasance mutum tsalkakke. Ba wanda zai zo a yi ta samun matsaloli wurin gudanar da bincike akan shi ba? Ita yaya … za a fito … wa wannan matsala ganin cewa, wadannan ƴan takara musamman … ah … Babangida da Atiku. An tasa ido akan su ta fuska hukumar EFCC. B: Ai, an ce ranan wanka, ba ɓoye cibiya . A bisa gaskiya, ba ma wajibi ne mu fitad da mutum ɗaya ba, wajibi ne, mutum ɗayannan da za mu fitar, ya zama mutumin da ba za’a zo a same shi da laifi ba. Domin kuwa … ah … mu mun goyi bayan cewa EFCC su buga dukkan sunayen mutanen da suka ƙwari ƙasar nan, musamman ya ba shawa da cin hanci da me. Kuma, ai muna son ɗan arewa yayi mulkin ƙasan nan, amma mun fi son na gari, mun fi son kamar yanda kace tsalkakkake. A: Sanata Abba Aji ke nan, yana tattauna da ni a Abuja. A waje ɗaya kuma, na tuntuɓi wani mai sharhi akan al’amura a Nijieriya watau Alhaji Bashiru Baba, domin in ji ko yana ganin cewar, wannan taron zai iya wani tasiri kuwa? C: Su Allah ya tsayar a matsayin shugabanninmu na nan arewa, su ne manya. Mutum ko yana so ko ba ya so. Su ɓoye abin da yake tsakanin su, na ƙashin kansu, su duba al’umma, suka ƙi, saida suka ga uwar bari. Saboda yanzu dai ta tabbata cewa kowane daga cikin ukun nan haƙoro yake yi ya zama shugaba, zaɓen da za’a yi baɗi. Amma kuma kowannansu ya fahimci cewa, Obasanjan da yake gwamnati yanzu, ba a shirye yake ya bai wa kowanne daya daga cikinsu shugabanci ba. Ta tabbata akwai duk alamun da suke nuna haka nan. Shi Janar Babangida, tasa bata taso ba sai da suka yi awon gaba da ɗansa. Ah, mutane suna faɗin magananmu iri daban-daban, ka ga daga lokacin da aka yi awon gaba da ɗan Babangida, ai an shiga yin wata gangano ke nan. Saboda haka, muke faɗin, muke gaya masu cewar su dunga duba bukatar al’umma. Su shugabanci ya riga ya hau su, duk ba abin da wanin su yake nema yanzu, na abin duniya dai kam, in ban da su shugabanci al’umma, muke ta gaya masu , su gane wannan, suka ƙ i ganewa. B: To, amma ya za a yi su samu nasarar shawo kan kudancin Nijeriya da yanzu, su ma suke faffutukar cewar mulkin nan, lokacin su ne, su ma suna so su ɗana shi. C: Mmm, ai ko.., aiki da hankali, ai ance yafi duban agogo. Su 'ƴan kudu da suke yi wannan abubuwa, za su yi dama, ai siyasa ce ake yi. Wani, in ka ga yana irin wannan, ba wai so yake ya karɓi shugabancin ba, so yake aƙalla, in an kafa shugabancin ko kaddai a manta da shi, a naɗa shi wani muk’ami. Abu daya dai su nan arewan, ya kamata su dinga yin abubuwan a irin yadda abun da hankali zai karɓa. Saboda kaga ni ban yarda, da yadda misali ƴan siyasarmu na arewa, da kuma na kowacce jam’yiya suke jan daga, suke cewa sai shugabanci ya dawo arewa, sai shugabanci ya dawo arewa: wannan ba daidai ba ne.{Zoning [English]} maƙami zuwa wani wuri, aikin jam'iyya ne. Ita kan ta jam’iyya ya kamata ta bari, kowa da yake so, ya zo al’ummar kasa ta zaɓi wanda suke so. A: Alhaji Bashiru Baba ke nan, wani mai sharhi akan al’amura a Nijeriya. A halin da ake ciki dai, yanzu an sa ido aga yadda wannan taro da shugabannin na arewacin Nijeriya suka yi ya yi tasiri, ta yadda irin fafutukar da ake yi daga kuduncin Nijeriya yanzu, ba zai kai ga arewa ta rasa wannan muƙamin ba, musamman idan akai kuma la’akari da cewar, shugaban Nijeriya Olusegun Obasanjo ya fito fili ya nuna cewar yanzu dai maganar mukami na shugaban ƙasa, magana ce ta kowane yanki na Nijeriya yana iya fitowa ya neme shi. Fa ce, 'ƴan yankin yammacin Nijeriya wanda ya ce, sukaɗai ne ba za su fito, su nemi wannan mukamin ba. Wannan dai yana cewa azahiri, shugaba Obasanjo ba ya tunani akan maganar mulki na karɓa-karɓa, wanda ya kai shi ga ɗarewa kan kujeran mulki, wa.. wanda akai amfani da shi a shekara ta’alif ɗari tara da casa’in da tara. Umar Faruku Musa, Muryar Amurka, a Abuja, Nijeriya. |
Forum A: A meeting has taken place between Nigerian Vice-President Atiku Abubakar and the former leaders of Nigerian military regimes, General Muhammadu Buhari and General Ibrahim Babangida, under the leadership of General Yakubu Gowon and other elder statesmen from northern Nigeria, on the occasion of power returning to the North of the country. The meeting was seen as a step that they would use to explain measures, a kind of exhortation that the elders would make to these members of the public to keep them from humiliating each other in the market. After the meeting was completed, I consulted Senator Abba Aji, a respected old legislator from northern Nigeria, to hear if he thought that this was a worthwhile meeting of leaders, and he said: B: They came and gathered … when they gathered … they listened intently to each other … everyone knowing where he stood … and gave his opinions and reasons and such. They also looked at … those who had … some … problems. And some who … they thought … they had an opinion on what they would do for the North and what they would do for Nigeria or both … ah … one more than the other. Because then they said … ah … in this business of politics … since they knew only one person would become President, the others should not have misfortune. One would bring ministers, others would bring ambassadors, another would bring … it would go like that. But it is incumbent upon us to go with one person. When we elect this one person, we must elect a southerner who will become vice-president, a person whom the southerners ah … who will have great support from there. A: What will they make of the problem of corruption and accepting bribes; people keep saying that a very clean person must be elected. Is there not one who would come and keep on having problems with investigations surrounding him? This is how ... one will come out ... with a problem seeing that, these rivals, especially ... ah ... Babangida and Atiku, on whom the EFCC [investigating agency] is keeping close eyes. B: Yes, it is said that on shower day, you don’t conceal your navel. In truth, it’s not necessary that we take out one person, what’s needed is that the one person whom we take out is a person who we won’t come to find at fault. Because ... ah ... we support the EFCC publishing all the names of people who have been found corrupt in this country, especially as it gives advice and arbitration, etc. And we want a northerner to govern this country, but we would prefer a good one, or someone who, as you say, is very clean. A: That was Senator Abba Aji. He was speaking with me in Abuja. On the other side, I consulted a commentator on Nigerian affairs, Alhaji Bashiru Baba, to hear if he thought that this meeting would have any effect. C: They are the ones on whom God placed a high position as our leaders here in the North, they’re the most important ones. One either likes them or not. They conceal what is between them, unilaterally; they have stayed on the sidelines until they now have no choice. Because now it’s certain that every one among these three wants to become president, in next year’s election. But each one of them also understands that the Obasanjo who has the government now, he’s not prepared to give up leadership to anyone among them. It’s certain that there are all signs of this. General Babangida, he didn’t care much until they took away his son. Ah, people said many different things, you see, from the time that they arrested Babangida’s son, indeed one started taking a real close look. Because of this, we were saying, we were telling them to keep on looking for the public’s benefit. The leader had already attacked them, all for nothing that they found now, of the world even, if besides them leadership of the community, we kept telling them to understand this, but they refused to understand. B: Alright, but how would they win in the southern parts of Nigeria now; they are boasting that the government here, at that time, they want to set it. C: Mmm, well, you ... work carefully, as the saying goes, its better than looking at your watch. These southerners who are doing these things, they’ll take the opportunity; it’s politics, after all. When you see somebody of this type, who doesn’t want to accept the leadership, at least he wants, when one establishes leadership, one does not forget him, one appoints him to an office. The one thing the northerners must do is keep on doing things carefully so they’ll be accepted. Because you see, I don’t agree with how, for example, our northern politicians, and every political party from which they draw, are saying let the leadership return to the North, let the leadership return to the North; this is not correct. Zoning offices from a particular area, that’s the work of the party. This must be left to the party, as everyone wants it, so that the national community can elect whom they want. A: That was Alhaji Bashiru Baba, a commentator on Nigerian affairs. Meanwhile, we now set our sights on how this meeting of northern Nigerian leaders is having an effect, and how the kind of struggles that are coming from the southern parts of Nigeria now, they will not bring the North to lessen this office, especially if one considers that Nigerian president Olusegun Obasanjo has come out publicly to show that, now speaking of the position of president, that every part of Nigeria can come out and challenge. That is, those from the western districts of Nigeria who say they will not come out to seek this position. It is clear that president Obasanjo has not reflected on the need for shared government, which brings a northerner to the seat of power, that is ... which brought benefit in the year nineteen ninety-nine. Umar Faruku Musa, Voice of America, in Abuja, Nigeria. |
Glossary
| Hausa | Hausa Meaning | English Meaning |
|---|---|---|
| Kwalliya za ta biya kuɗin sabulu | Ko bukata za ta biyan ƙoƙarin da aka yi. | If a job will be worth the effort made on it |
| Cin hanci da karɓa rashawa | Bada wani abu ta wajen tasiri ko lallashi don samun abun da ake so ko buƙata. | Bribery and corruption |
| Ranan wanka, ba ɓoye cibiya | Wannan karin magana ce mai nufin in asiri ya tonu ba dubara sai dai fadin gaskiya. | This is a Hausa proverb that means when one's secret is revealed/unveiled there is no way out but to tell the truth. |
| Tsalkakkake. | Tsarkakkake na nufin mai tsarki ko mara laifi. | Someone who is pure or honest |
| Suka ga uwar bari | Suka koya hankali da karfi da yaji. | They learned it the hard way |
| Mulki na karɓa-karɓa | Mulkin da ake samu ta wajen rashawa ko mulkin juyi. | Power earned through curruption or transitional regime |
| Ciwa junansu mutunci a kasuwa | Tona ma kansu asiri gaban jama'a maimakon yin aiki tare. | Exposing themselves rather than working together as a team |
| Hukumar EFCC | Hukumar hanawa da zaƙulo masu yiwa tattalin arzikin Nigeria zagon ƙasa. | Economic and Financial Crime Commission. |
Note
| Hausa Note | English Note |
|---|---|
|
Reuben Abati shugaban jarida mai suna {Guardian Newspapers) kuma ɗaya daga cikin manyan masu sharhin siyasar Nijeriya ya ce Dimokuraɗiyya a Nijeriya ta zama wani sharin da ya sa 'Yan Nijeriya suka samu kansu cikin halin da yawancin lokaci, sun gwammace ko suna iyya goyon baya kowace irin dubara maimakon mulkin soja. Muna jininin mulkin kama karya, muna jininin dimokuraɗiyya fara hula amma duk da haka, idan an tambaye 'yan Nijeriya abun da suka fi so za su gwammace demokuraɗiyya da duk iren iren matsalolin ta" Abati ya bayyana cewa ana ta ci gaba da harakokin siyasa kafin zaɓe saboda yawancin dattawa sun sa akai cewa ya kamata shugaba mai zuwa ya kasance daga arewa. Abati ya yi umurni cewa "ƙabilanci ko siyasa yanki-yanki na da hatsari". Arewa na iya samun mulki amma akwai fushin ƙabilu fiye da ɗari huɗu waɗanda ke neman matsayin su cikin tsarin Nijeriya. Kuma komawar mulki arewa na iya hura wutar tunanin su cewa an musu ƙabilanci. http://www.voanews.com/english/Africa/Nigerians-Facing-Democratic-Blackmail-Ahead-of-Polls.cfm |
Reuben Abati, the Chairman of Nigeria’s Guardian newspapers and one of the country’s leading political commentators, said democracy in Nigeria has become a “kind of blackmail” and because of this “the Nigerian people have found themselves in the position where, oftentimes, they will take anything - because the alternative is difficult to contemplate, the alternative of military rule.” “We complain about authoritarianism; we complain about civilian democracy, but I think that the Nigerian people – if they are asked to make a choice – they will say, ‘Yes, democracy with all its problems is still better.’” Nevertheless, Abati maintained that the political process ahead of the polls had been “exclusive” because a belief among many of the country’s powerful that Nigeria’s next President should hail from northern Nigeria. Abati warned that the “ethnic politics of regionalism” was a “dangerous game”. “The north may take power back, but there are aggrieved nationalities – over 400 ethnic nationalities in Nigeria – who are raising questions about their place in the Nigerian arrangement. The emergence of the north and the power in their hands again, could fuel these feelings of marginalization.” http://www.voanews.com/english/Africa/Nigerians-Facing-Democratic-Blackmail-Ahead-of-Polls.cfm |
XML
<activity>
<problemset>
<problem correctindex="1">
<choices>
<opt>
<eng-response>This is a report on a forum organized and attended by some political leaders and former military heads of state from northern Nigeria. According to the reporter Omar Farouk Musa, the focus of the political leaders is to ensure that political power remains under the control of a northern Nigerian. This interview with a social critic and one of the senators shows that northern Nigerians believe that God elected the northern leaders to lead their people, but the debate is on the legitimacy of one region holding total power. Both speakers agree that the chosen person should be clean and patriotic enough to lead the country as one. Nigerians will also be happy with whoever becomes the President as long as he is free from corruption.</eng-response>
<eng-fdbk>Incorrect! Listen to the reporter's comments on the objectives of the northern Nigerian leaders for organizing the forum. What did he say about Nigerian leadership? Please try again!</eng-fdbk>
<fdbk>Wannan ba daidai ba ne! Saurari bayyanin ɗan jarida bisa maƙasudin shirya taron da shugabannin arewacin Nijeriya suka yi. Mi ya ce bisan shugabancin Nijeriya?</fdbk>
<response>Wannan rahoton taro ne da wasu manyan 'yan siyasa da tsoffin shugabanin mulkin soja daga arewacin Nijeriya suka tsara kuma suka kasance. Bisa ga cewar ɗan jarida Omar Farouk Musa, Manyan 'yan siyasa sun maida hankali ne ga tabbatar da cewa mulki ya tsaya ƙalƙashin ikon ɗan arewacin Nijeriya. Ta wajen ganawa shi da wani mai sharhi siyasa da kuma ɗaya daga cikin senatocin, ƴan arewacin Nijeriya sun yarda da cewa Allah ne ya zaɓi shugabanin arewa don su shugabanci jama'ar su amma ganawar dai an yi don sanin ko halak ne ɓangare guda ya mulke ƙasar gaba ɗaya. Masu maganar biyu sun yarda da cewa wanda za'a zaɓa ya zama mai iya maida ƙasar ɗaya don zama mai gaskiya da kishin ƙasa. Ƴan Nijeriya kuma sun ji daɗin duk wanda ya zama shugaban ƙasarsu idan ba ya cikin sha'anin rashawa.</response>
</opt>
<opt>
<eng-response>The main point of this objective report is that the political leaders and former military leaders who organized the forum anticipate that the next Nigerian President will be from the north. Two different sources describe the key factors in determining who the next president should be. A senator supposes that the forum will give room for selection between northerners and ultimately the chosen person should work with a good leader from the south. The second source, a critic, asserts that northerners are leaders, yet they need to have a united front against southerners who also want leadership, and must choose the President in a democratic way. Both agree that fairness and corruption should be taken into account in the election process. Northern Nigerians are waiting to see the effect of the forum on the presidential election.</eng-response>
<eng-fdbk>Correct! This summary captures the key aspects including the speakers' points of view on the aim of the forum by the northern Nigerian leaders.</eng-fdbk>
<response>Gurin wannan maƙasudin taron manyan ƴan siyasa da tsoffin shugabanin mulkin soja shine don yunƙurin ganin cewa an zaɓi ɗan arewa ya zama shugaban ƙasar Nijeriya.Tushe biyu sun kwatamta alamomin da ke iya ƙayyada wanda ya kamata ya zama shugaban ƙasa. Wani Sanata ya zanta cewa taron zai buɗe hanyar zaɓen ɗan arewa ɗaya tsakankaninsu kuma a ƙarshe ya kamata wanda aka zaɓa ya yi aiki tare da shugaba na kirki daga kudu.Tushe na biyu wani mai sukar lamiri ya furta cewa 'ƴan arewa shugabanni ne amma ya kamata su haɗa kai wajen kokowar neman shugabanci da ƴan kudu waɗanda suma suna neman mulkin ne, kuma su bar jama'a su zaɓi shugaban ƙasa da kansu.Tushen biyu kuma sun yarda da cewa a bi gaskiya kuma a yi gudun ƙarɓar rashawa wajen harakokin zaɓen. 'Ƴan arewacin Nijeriya suna jira su ga tasirin taron wajen zaɓen shugaban ƙasa.</response>
<fdbk>wannan amsa ta fi dacewa! saboda ta ƙumshi dukan gaɓoɓi rohoton kamar bayyanin waɗanɗa suka faɗi tunanin su bisa ga nufin taron na shugabanin arewacin Nijeriya.</fdbk>
</opt>
<opt>
<eng-response>This report by Omar Farouq Musa from Voice of America discusses past military leaders and other respectable people from the north in an attempt to see that the next Nigerian President comes from the north. He interviewed some of those who attended the forum to find out what the outcome will be and to inquire about the the origin of bribery and corruption in Nigeria. One senator stated the importance of electing a good leader who is not corrupt and has a solid background in serving the country. The northern leaders should elect one candidate for President and one for Vice President from the south to balance the power. According to Omar Farouq Musa, northern Nigerians are waiting to see what will come out of the forum as the south is also fighting to win the highest post at the upcoming elections.</eng-response>
<fdbk>A'a wannan amsa bata fi dacewa ba! Mi rahoton ya ce akan ƙarɓar rashawa a Nijeriya? Mi kuke tsammani masu magana cikin rahoton suka faɗa bisa rashawa?</fdbk>
<response>Rahoton Omar Farouq Musa daga Muryar Amurka na zancen tsoffin shuganan mulkin soja ne da wasu dattawan arewa wajen ƙoƙarin ganin cewa an zaɓi shugaban ƙasa Nijeriya daga arewa. Ya tattauna da wasu da suka hallarci taron don jin sakamakon da taron zai kawowa da asalin cin hanci da ƙarɓa rashawa a Nijeriya. Wani Sanata ya bayyana mahimmancin zaɓen shugaban da ya yi bautar ƙasa da kyau kuma wanda ba ya da tarihin ƙarɓar rashawa. Ya kamata shugabannin arewa su zaɓi ɗan takarar shugaban ƙasa ɗaya daga arewa da mataimakin shi daga kudu don daidaita mulkin ƙasa. Bisa ga cewar Omar farouq Musa, 'ƴan arewacin Nijeriya na jira suga tasirin da taron zai yi a ganin cewa 'ƴan kudu ma suna kokowar samun matsayin ƙoli wajen zaɓen da za ayi.</response>
<eng-fdbk>Incorrect! What did the report say about corruption in Nigeria? Please try again!</eng-fdbk>
</opt>
</choices>
</problem>
</problemset>
<instr type="eng">INSTRUCTIONS:
Choose the best summary.</instr>
<instr type="target">Umurni:Zaɓi taƙaitawa mafi dacewa.</instr>
<finish>What could the possible outcome(s) of the forum be? Why?</finish>
<finish>How would a government led by a former General work in a democratic way to tackle corruption issues in Nigeria?</finish>
<finish>How do you think this election process reflects democracy in Nigeria?</finish>
<finishtl>A ganin ku yaya wannan taro zai ƙare?</finishtl>
<finishtl>Yaya gwamnatin tsohon janaran Nijeriya zata iya yin maganin ƙarɓar rashawa a siyasance ?</finishtl>
<finishtl>Yaya kuke ganin zaɓe zai iya gwada alamar gudanar da dimokuraɗiyya a Nijeriya?</finishtl>
</activity>